«Милан» «Арсенал» ярим ҳимоячиси Итан Нванерини ўз сафига қўшиб олмоқчи. Бу ҳақда Маттео Моретто хабар бермоқда.

Италияликлар аллақачон трансфер шартларини сўрашган. Аммо Нванерига талаб юқори. «Арсенал» футболчисини, шунингдек, «Эвертон», «Фулхэм» ва «РБ Лейпциг» ҳам сотиб олиш ниятида. Футболчининг меҳнат шартномаси 2030 йилнинг ёзигача амал қилади. Transfermarkt ярим ҳимоячининг қийматини 35 миллион еврога баҳоламоқда.

Итан Нванери «Арсенал» сафида АПЛда жами 34 та ўйин ўтказган. Уларда ярим ҳимоячи тўртта гол урган ва иккита голли узатмани амалга оширган.