«Сириус» футбол клубининг шотландиялик ҳужумчиси Робби Юр клубини ўзгартириши мумкин. Бу ҳақда Марк Брус хабар бермоқда.
Футболчига иккита жамоа даъвогарлик қилмоқда. Юрнинг хизматларига «Манчестер Юнайтед» ва «Челси» қизиқиш билдирмоқда. Англия клублари ҳужумчини ўз сафига қўшиб олиш бўйича музокараларни бошлаб юборишган. Ўйинчининг «Сириус» билан меҳнат шартномаси 2029 йилнинг декабригача амал қилади. Transfermarkt футболчининг қийматини 5 миллион еврога баҳоламоқда.
Робби Юр «Сириус» таркибида жами 49 та учрашув ўтказган. Уларда ҳужумчи 31 та гол урган ва еттита голли узатмани амалга оширган.
