Ҳужумкор ярим ҳимоячи Магнес Аклиуш «Монако»дан «ПСЖ»га ўтишга жуда яқин турибди. Sky Sports хабарига кўра, шу ҳафта охирида Аклиуш таътилдан қайтади ва Лига 1 гранди учун тиббий кўрикдан ўтади.
«Монако» ва «ПСЖ» Аклиушнинг трансферини 50 миллион еврога келишиб олишди. Ушбу битим «Ливерпуль» ва «Арсенал» радарларида турган Брэдли Барколанинг келажагига таъсир қилиши мумкин.
Магнес Аклиуш 24 ёшда. Вингер «Монако»нинг асосий жамоаси сафида 139 та расмий ўйин ўтказиб, 23 та гол урди ва 28 та голли узатмага муаллифлик қилди. Ёзда Аклиуш Жаҳон чемпионатига борган эди, бироқ у ерда фақат гуруҳ босқичидаги ўйинлардан бирида захирадан майдонга тушди.
