Лондоннинг «Арсенал» клуби adidas бренди билан ҳамкорликда 2026/2027 йилги мавсум учун учинчи ўйин либосини тақдим қилди. «Тўпчилар» матбуот хизматининг маълум қилишича, янги либос клубнинг қадриятлари, юксак мақсадлари ва ижодкорлик руҳидан илҳомланган.

Клуб баёнотида таъкидланишича, беш мавсумдан кейин афсонавий сариқ ранг яна қайтарилди. Шунингдек, «Арсенал»нинг энг машҳур дизайн элементларидан бири замонавий талқинда қайта ишланган.

— «Арсенал руҳияти» дегани, «Арсенал» оддий клуб эмас, балки умумий имкониятлар ҳиссини англатади. Бу — авлодлар давомида футболчилар, мухлислар ва клуб ҳамжамияти томонидан шакллантирилган дунёқараш бўлиб, улар доимо ўз йўлидан бориш, олдинга интилиш ва йиллар ўтса ҳам қадри йўқолмайдиган хотираларни яратишга ишониб келган.

Янги учинчи либос айнан шу руҳни ўзида акс эттиради. Клуб Англия Премьер-лигаси чемпиони сифатида янги даврга қадам қўяр экан, юқори стандартларни сақлаб қолиш ва янада олдинга интилишни мақсад қилган.

«Арсенал» тарихидаги энг ёрқин саҳифалар билан боғлиқ бўлган сариқ ранг асосида яратилган ушбу дизайн клубнинг бой мероси ва замонавий қиёфасини ўзида мужассам этган. Шунингдек, клубнинг машҳур чақмоқ рамзи янгича кўринишда матога уйғунлаштирилган бўлиб, у «Арсенал» тарихининг ажралмас қисми ҳисобланади, — дейилади клуб расмий сайтидаги баёнотда.