Ҳужумчи Гонсало Гарсия «Реал»дан «Фулҳэм»га ўтди, деб хабар бермоқда Мадрид клубининг расмий сайти.

22 ёшли испаниялик футболчи лондонликлар билан 2031 йилгача мўлжалланган, яна бир мавсумга узайтириш имконияти бўлган шартнома имзолади. Олдинроқ инсайдер Фабрицио Романо трансфер суммаси 40 миллион еврони ташкил этиши ҳақида хабар берган эди.

Гарсия «Реал» тарбияланувчиси ҳисобланади. У мадридликлар таркибида 51 та ўйин ўтказиб, 13 та гол урган ва 5 та голли узатмага муаллифлик қилган. Transfermarkt портали ҳужумчининг бозор қийматини 30 миллион еврога баҳоламоқда.