Hujumchi Gonsalo Garsiya «Real»dan «Fulhem»ga o‘tdi, deb xabar bermoqda Madrid klubining rasmiy sayti.

22 yoshli ispaniyalik futbolchi londonliklar bilan 2031 yilgacha mo‘ljallangan, yana bir mavsumga uzaytirish imkoniyati bo‘lgan shartnoma imzoladi. Oldinroq insayder Fabrisio Romano transfer summasi 40 million yevroni tashkil etishi haqida xabar bergan edi.

Garsiya «Real» tarbiyalanuvchisi hisoblanadi. U madridliklar tarkibida 51 ta o‘yin o‘tkazib, 13 ta gol urgan va 5 ta golli uzatmaga mualliflik qilgan. Transfermarkt portali hujumchining bozor qiymatini 30 million yevroga baholamoqda.