«Барселона» ҳужумчиси Ферран Торрес «ПСЖ» томонидан унга бўлаётган қизиқиш ҳақидаги хабарларга изоҳ берди.

«ПСЖ» томонидан билдирилаётган қизиқиш? Бундай клублар сени ўз сафида кўришни исташи ёқимли, албатта. Аммо менинг «Барселона» билан амалдаги шартномам бор. Албатта, футболда нима бўлишини ҳеч қачон олдиндан билиб бўлмайди, лекин ҳозирча шартномам бор экан, шошилмай кутишим ва келажагим бўйича қарорни ўзим мустақил қабул қилишим мумкин», — дейди Торреснинг сўзларини келтирган NBC.

Transfermarkt портали 26 ёшли испаниялик футболчининг бозор қийматини 55 миллион еврога баҳоламоқда. Унинг «Барселона» билан амалдаги шартномаси 2027 йилнинг 30 июнигача мўлжалланган.

Ўтган мавсумда Торрес барча турнирларда 49 та ўйинда майдонга тушиб, 21 та гол урган ва 3 та голли узатмага муаллифлик қилган. ЖЧ-2026 да эса у 8 та ўйинда 1 та гол ва 1 та голли узатма муаллифига айланган.