"Интер" ярим ҳимоячиси Генрих Мхитарян профессионал футболдаги 20-мавсуми олдидан ўз ҳис-туйғулари билан ўртоқлашди ва Милан клуби таркибидаги энг тажрибали ўйинчи роли ҳақида гапириб берди.
"Бу менинг профессионал сифатидаги 20-мавсумим. Мен жуда бахтиёрман ва бу мен учун катта аҳамиятга эга. Бу фаолиятим давомида, эҳтимол, ҳамма нарсани тўғри қилганимни англатади. Айнан шу сабабли мен шунча вақтдан бери ўйнашга муваффақ бўлдим.
Мен жамоада энг ёши каттасиман ва ёш футболчиларга ўрнак бўлишга ҳаракат қиламан. Ҳамма нарсани тўғри қилишга ва улар ўрганиши мумкин бўлган нарсаларни кўрсатишга ҳаракат қиляпман. Бу жуда муҳим — мен уларга ёрдам беришим керак. Мен буни майдонда ҳам, майдондан ташқарида ҳам амалга оширяпман, кейингиси эса уларнинг ўрганишни хоҳлаш-хоҳламаслигига боғлиқ. Биз бир жамоамиз, бир оиламиз ва мақсадларимизга биргаликда эришишимиз керак", — деди Мхитарян. Унинг сўзларини журналист Джанлука Ди Марцио сайти келтирмоқда.
Эслатиб ўтамиз, аввалроқ "Интер" 37 ёшли арманистонлик ярим ҳимоячи билан шартномани 2027 йилнинг 30 июнига қадар узайтирганини эълон қилган эди.
Ўтган мавсумда Мхитарян барча турнирларда 39 та ўйин ўтказиб, тўртта гол урди ва иккита голли узатмага муаллифлик қилди.
