Фабрицио Романонинг хабарига кўра, «Манчестер Сити» «Марсель» дарвозабони Херонимо Рульи бўйича илк расмий таклифини юборган.

Ўтган ҳафтада Франция матбуотида «Сити» 34 ёшли дарвозабон учун 2 миллион евро таклиф қилгани ҳақида хабарлар пайдо бўлган эди.

Бироқ Романонинг таъкидлашича, расмий таклиф айнан бугун берилган, аммо у «Сити» қанча маблағ тўлашга тайёрлигини ошкор этмади.

Ҳар ҳолда, икки клуб ўртасида расмий музокаралар кетмоқда. Рульининг ўзи эса «Этиҳад»да Жанлуижи Доннарумманинг ўринбосари (захира дарвозабони) бўлишга тўғри келса-да, «Манчестер Сити»га ўтишни жуда хоҳламоқда.