«Ювентус» ва «Атлетико» Александр Сёрлот ҳамда Нико Гонсалес трансферлари бўйича музокараларга қайтди. Клублар иккала томонни ҳам қаноатлантирадиган қўшимча тўлов билан алмашиш имкониятини кўриб чиқмоқда.

«Ювентус» бош мураббийи Лучано Спаллетти 29 ёшли норвегиялик футболчи билан шахсан алоқага чиқди ва уни ҳужум чизиғида кўришни истамоқда. Шу билан бирга, Нико Гонсалес Диего Симеоне билан қайта бирлашишни хоҳламоқда, аммо «Ювентус» аргентиналикни 30 млн евродан арзонга сотишга тайёр эмас.

Битим норвегиялик футболчини сотиб олиш ҳуқуқи билан ижарага олиш ва эвазига Нико Гонсалесни сотиш шаклида расмийлаштирилиши мумкин.