The Athletic хабарига кўра, Манор Соломон «Вест Ҳэм»нинг эътиборини тортган.

27 ёшли исроиллик футболчи Нуну Эшпириту Санту жамоасини кучайтириши мумкин. The I Paper маълумотларига кўра, футболчига яна бир даъвогар АПЛ янги келувчиси — «Ҳалл Сити» ҳисобланади. Бироқ фаворит сифатида айнан «болғачилар» кўрилмоқда.

Манор 2023 йилда Донецкнинг «Шахтёр» клубидан эркин агент сифатида «Тоттенхэм»га ўтган эди. Ўшандан бери у «шпорлар» сафида АПЛда атиги бешта ўйин ўтказди ва биринчи мавсумидаёқ жароҳат олди. Шундан сўнг у «Лидс Юнайтед», «Вильярреал» ва «Фиорентина» клубларида ижарада тўп сурди.

Соломоннинг «Тоттенхэм» билан амалдаги шартномаси 2028 йилнинг ёзигача мўлжалланган.