ФИФАнинг собиқ президенти Йозеф Блаттер Жанни Инфантинонинг ўрнига ташкилот раҳбари лавозимига номзод таклиф этди.

Блаттернинг фикрича, ФИФА раҳбари ролини Норвегия футбол федерацияси президенти Лизе Клавенесс муваффақиятли бажара олади.

«Лизе Клавенесс энг чуқур ҳурматга лойиқдир. У ҳар доим аниқ позицияда турган ва ҳеч қачон оқим бўйлаб сузмаган. ФИФАга аёл киши раҳбарлик қилиши ва уни ортидан эргаштириши учун қулай фурсат етди», — деб ёзди Блаттер ижтимоий тармоқларда.

45 ёшли Клавенесс 1997 йилдан 2011 йилгача футболчи сифатида тўп сурган ва Норвегия терма жамоаси сафида 73 та ўйин ўтказган.