«Ливерпуль» шу ёзда «Ньюкасл» ва Германия терма жамоасининг 24 ёшли ҳужумчиси Ник Вольтемадени сотиб олиш имкониятини кўриб чиқмоқда. Клуб раҳбарияти ҳужум чизиғини кучайтириш вариантларини фаол таҳлил қилмоқда ва немис форвардида жуда катта салоҳиятни кўрмоқда, деб хабар беради CaughtOffside.
Манба маълумотига кўра, Вольтемаденинг жорий трансфер ойнасида «Ньюкасл»ни тарк этиш эҳтимоли жуда юқори. Клуб ҳам, футболчининг ўзи ҳам барча манфаатдор томонларни қониқтирадиган битимга тайёр. Ник Вольтемаде 2025 йилнинг ёзида «Штутгарт»дан 75 миллион евро эвазига ўтиб, «Ньюкасл» билан шартнома имзолаган эди.
Ўтган мавсумда ҳужумчи «олақатғайлар» сафида 51 та ўйин ўтказиб, 11 та гол урди ва бешта голли узатмага муаллифлик қилди. Transfermarkt портали Вольтемадени 55 миллион еврога баҳоламоқда.
