Мадриднинг «Атлетико» клуби ҳимоячиси Маттео Руджери «Астон Вилла»га ўтишга яқин турибди.
Marca маълумотларига кўра, Испания ва Англия клублари трансфер бўйича келишувга эришиб бўлишган. Битим суммаси 18 миллион еврони ташкил этади, яна 6 миллион евро эса бонуслар кўринишида назарда тутилган. Ўтишни якунлаш учун футболчининг ўз розилигини олиш қолди, холос.
Қайд этилишича, 23 ёшли италиялик футболчи «Атлетико» билан бирга Жанубий Кореядаги мавсумолди турнесига учиб кетмаган, чунки у ўз келажаги бўйича қарорни кутмоқда. Аввалроқ ҳимоячига «Ювентус» ва «Рома» клублари ҳам қизиқиш билдирган эди.
Руджери Мадрид жамоаси сафида 2025 йилдан бери ўйнаб келмоқда. У клуб сафида 47 та ўйин ўтказиб, еттита голли узатмага муаллифлик қилган.
