«Марсель» ўта оғир молиявий вазиятни бошдан кечирмоқда, деб хабар берди француз журналисти Ромен Молина X ижтимоий тармоғида.

Манба маълумотларига кўра, клуб 2027 йил 30 июнга қадар футболчилар сотувидан камида 180 миллион евро ишлаб олиши керак. Акс холда, «Марсель» Франция олий дивизионидан четлаштирилиш хавфи остида қолади.

Клуб америкалик миллиардер Фрэнк Маккорт томонидан сотиб олинганидан бери «Марсель»га трансферлар, маошлар ва бошқа харажатлар учун 800-900 миллион евро сарфланган.

Юзага келган вазият сабабли клуб бу ёзда қатий тежамкорлик режимини жорий этди: 5 миллион евродан қимматроқ ҳеч қандай трансфер амалга оширилмайди ва янги келган ҳеч бир футболчи мавсумга 1 миллион евродан ортиқ маош олмайди.