Бир ҳафта олдин Жанфранко Дзола Италия терма жамоасида янги иш олиши мумкинлиги ҳақида хабар берган эдик. Эндиликда бу Италия футбол федерациясининг расмий пресс-релизи орқали ўз тасдиғини топди. Дзола Италия ўсмирлар ва ёшлар терма жамоалари билан боғлиқ лойиҳалар координаторига айланади.
Эслатиб ўтамиз, «Наполи» ва Лондоннинг «Челси» клуби собиқ футболчиси ўз вақтида «скуадра адзурра» сафида 35 та ўйин ўтказиб, жамоа билан бирга 1994 йилги жаҳон чемпионати финалигача етиб борган эди.
Бироқ италияликларнинг бундай ёрқин иштироки анча ортда қолди — Италия терма жамоаси охирги марта 2014 йилда жаҳон чемпионатида ўйнаган эди.
