Вингер Ян Диоманде клубни тарк этгач, «РБ Лейпциг» мухлисларига мурожаат қилди.

««Реал»га ўтиш — бу болаликдаги орзуимнинг амалга ошишидир. Амалдаги шартномага қарамай, ушбу трансферни амалга оширишга имкон яратгани учун «РБ Лейпциг» раҳбариятидан миннатдорман. Биринчи кундан бери кўрсатилган ажойиб қўллаб-қувватлаш учун мухлисларга раҳмат. Бугун фаолиятимда янги саҳифа очилмоқда. Кетиш ҳар доим қийин, лекин Лейпцигда ўтказган вақтимни абадий юрагимда сақлайман. Ким билади дейсиз, балки кунлардан бир кун Чемпионлар Лигасида яна кўришиб қолармиз», — дейилади Диоманденинг мурожаатида.

Эслатиб ўтамиз, 6 август куни «Реал» ивуарлик вингернинг ўтганини расман эълон қилди. «РБ Лейпциг» таркибида ўтказган бир мавсум давомида Диоманде 36 та ўйинда майдонга тушиб, 13 та гол урди ва 10 та голли узатма берди.