«Женоа» клуби расмий сайти орқали «Севилья» ярим ҳимоячиси Жибриль Соунинг трансферини амалга оширганини маълум қилди. 29 ёшли швейцариялик футболчи Италия клуби билан узоқ муддатли шартнома имзолади.

«Жибриль жамоамизга бой тажриба, маҳорат, тактик интеллект ва юқори динамика олиб киради. У — майдонда катта ёрдам беришга тайёр бўлган универсал ярим ҳимоячи. Ушбу трансферни муваффақиятли якунлаганимиздан жуда мамнунмиз», — деди Италия клубининг футбол йўналиши раҳбари Диего Лопес.

Ўтган мавсумда Соу Ла Лигада 32 та ўйинда майдонга тушиб, 5 та гол урди ва 4 та голли узатмани амалга оширди. Шунингдек, у ЖЧ-2026 турнирида Швейцария терма жамоаси таркибида 4 та учрашувда иштирок этди.