«Лидс» клуби «Манчестер Сити» дарвозабони Жеймс Траффорднинг трансферини амалга оширганини маълум қилди. 23 ёшли англиялик посбон клуб билан 5 йиллик шартнома имзолади. ОАВ хабарларига кўра, трансфер суммаси бонуслар билан бирга 45 миллион фунт стерлингни ташкил этади.

Траффорд — «Манчестер Сити» тарбияланувчиси ҳисобланади. У 2023 йилнинг июль ойидан 2025 йилнинг июлигача «Бёрнли» шарафини ҳимоя қилган, сўнг қадрдон клубига қайтган эди. 2025/26 йилги мавсумда дарвозабон «шаҳарликлар» сафида барча турнирларда 17 та ўйинда майдонга тушиб, 13 та гол ўтказиб юборган ва 8 та учрашувда ўз дарвозаси дахлсизлигини сақлаб қолган.