«Барселона» Марокашнинг «Иттихад Танжер» клубига қарши Танжер шаҳрида ўтказилиши режалаштирилган ўртоқлик ўйини бекор қилинганини эълон қилди.
«Барселона» 15 август куни Танжерда бўлиб ўтиши керак бўлган жамоанинг ўртоқлик ўйини бекор қилинганлигини маълум қилади. Ҳозирги ноаниқлик ва юзага келган вазият фонида клуб ушбу учрашувни ўтказишни мақсадга мувофиқ эмас деб ҳисоблайди», — дейилади Каталония клуби баёнотида.
Mundo Deportivo нашрининг хабар беришича, «Барселона» ушбу ўйиндаги иштироки учун 4,5 миллион евро олиши кўзда тутилган эди.
Эслатиб ўтамиз, 30 июль куни Африканинг шимолий қирғоғида жойлашган Испаниянинг анклави — Сеута автоном шаҳрига мигрантларнинг оммавий равишда ёриб кириш ҳаракати бошланди. Тўғридан-тўғри Марокаш билан чегарадош бўлган бу ҳудудга ўн минглаб одамлар ноқонуний равишда кириб келган, кейинчалик уларнинг бир қисми ўз хоҳиши билан Марокашга қайтиб кетган.
