«Barselona» Marokashning «Ittixad Tanjer» klubiga qarshi Tanjer shahrida o‘tkazilishi rejalashtirilgan o‘rtoqlik o‘yini bekor qilinganini e’lon qildi.
«Barselona» 15 avgust kuni Tanjerda bo‘lib o‘tishi kerak bo‘lgan jamoaning o‘rtoqlik o‘yini bekor qilinganligini ma’lum qiladi. Hozirgi noaniqlik va yuzaga kelgan vaziyat fonida klub ushbu uchrashuvni o‘tkazishni maqsadga muvofiq emas deb hisoblaydi», — deyiladi Kataloniya klubi bayonotida.
Mundo Deportivo nashrining xabar berishicha, «Barselona» ushbu o‘yindagi ishtiroki uchun 4,5 million yevro olishi ko‘zda tutilgan edi.
Eslatib o‘tamiz, 30 iyul kuni Afrikaning shimoliy qirg‘og‘ida joylashgan Ispaniyaning anklavi — Seuta avtonom shahriga migrantlarning ommaviy ravishda yorib kirish harakati boshlandi. To‘g‘ridan-to‘g‘ri Marokash bilan chegaradosh bo‘lgan bu hududga o‘n minglab odamlar noqonuniy ravishda kirib kelgan, keyinchalik ularning bir qismi o‘z xohishi bilan Marokashga qaytib ketgan.
