BBC хабарига кўра, Жереми Доку «Манчестер Сити» билан 2031 йилгача мўлжалланган янги 5 йиллик шартномага имзо чекди.

Янги келишув кейинги ҳафтада, бельгиялик вингер таътилдан қайтганидан сўнг расман эълон қилинади.

24 ёшли футболчи уч йил олдин жамоага келиб қўшилганидан бери «Сити»нинг асосий ва муҳим ўйинчиларидан бирига айланди.

Ўтган мавсумда вингер барча мусобақаларда 48 та ўйинда майдонга тушиб, 8 та гол урди ва 11 та голли узатмага муаллифлик қилди. Унинг муҳим ҳиссаларидан бири Англия Кубоги ярим финалида «Саутгемптон»га қарши 2:1 ҳисобидаги ғалабада содир бўлди (1 гол ва 1 ассист). Меҳнатлари эвазига мавсум якунида «Сити» ушбу кубокни қўлга киритди.