The Times нашри хабарига кўра, Лондоннинг «Арсенал» клуби яна «Атлетико Мадрид» ҳужумчиси Хулиан Альваресни ўзларининг асосий трансфер нишонига айлантирди.
«Тўпчилар» аввалига «Реал» вингери Винисиус Жуниорни сотиб олиш бўйича йирик келишувга эришмоқчи эдилар. Бироқ бразилиялик юлдуз мадридликлар билан янги шартномага имзо чекди.
Альварес Винисиус номзоди пайдо бўлишидан олдин «Арсенал»нинг асосий мақсади бўлган эди ва эндиликда улар аргентиналик форвардни сотиб олиш бўйича қайта уриниб кўришни жиддий режалаштиришмоқда.
Бироқ лондонликлар футболчининг ўзи учун «Барселона» энг маъқул вариант эканидан хабардор. Шу сабабли, «Арсенал» «Атлетико» ўз ҳужумчисини Ла Лигадаги бевосита рақибига сотишдан бош тортишига ва бу орқали Альваресни «Эмирейтс»га кўчиб ўтишга кўндириш имконияти пайдо бўлишига умид қилмоқда.
