Шотландиянинг «Селтик» клуби бош мураббийи Мартин О'Нил кичик тиббий процедура ўтказилганидан сўнг шифохонада қолмоқда. Бу ҳақда клубнинг расмий сайти хабар берди.
Расмий баёнотда клуб мухлисларга мураббийга кўрсатилаётган қўллаб-қувватлов ва эзгу тилаклар учун миннатдорчилик билдирди. «Селтик» вакиллари 74 ёшли мутахассиснинг шифохонага ётқизилганини тасдиқлади, бироқ тафсилотларни ошкор этмади. Шунга қарамай, клуб раҳбарияти тажрибали мураббийнинг яқин икки кун ичида ўз ишига қайтишини кутмоқда.
Мартин О’Нил июнь ойи бошида расман «Селтик» бош мураббийи этиб тайинланган эди. 74 ёшли устоз билан «1+1» схемаси бўйича шартнома имзоланган. Ўтган мавсумда О’Нил инқирозли вазиятда вақтинчалик мураббий сифатида Шотландия клубига икки марта қайтиб, якунда жамоа билан чемпионат ва Кубокда зафар қучди ҳамда «олтин дубль»ни расмийлаштирди.
Душанба куни О’Нил Шотландия чемпионатининг старт олувчи 1-турида «Данди»га қарши кечган ғалабали ўйинда (1:0) жамоани бевосита майдон четидан бошқарган эди.
