«Атлетико Мадрид» ҳужумчиси Хулиан Альварес ҳали ҳам «Барселона»нинг трансфер нишонида бўлиб турибди. Бу ҳақда El Partidazo de COPE нашри хабар бермоқда.
Манба берган маълумотларга кўра, Альварес «Атлетико» раҳбариятига «Барселона»га ўтиш истагини билдириб, клублар ўртасидаги музокараларни бошлаш ташаббуси билан чиқмоқчи. Шунингдек, каталонияликлар «Манчестер Сити» ярим ҳимоячиси Родрининг трансферини ҳам имкон қадар тезроқ ҳал қилишга ҳаракат қилаётгани таъкидланмоқда.
2025/26 йилги мавсумда Альварес «матрасчилар» таркибида барча турнирларда 49 та ўйинда майдонга тушиб, 20 та гол урди ва 9 та голли узатмага муаллифлик қилди.
Transfermarkt портали ЖЧ-2026 вице-чемпиони бўлган 26 ёшли аргентиналик форвардни 120 миллион еврога баҳоламоқда.
