«Бавария» президенти Герберт Хайнер Бундеслига клубларининг хорижий турнелар орқали чемпионатни халқаро майдонда тарғиб қилиш борасида етарлича ҳаракат қилмаётганини кескин танқид қилди. 72 ёшли функционер бу ҳақда мюнхенликларнинг Осиё бўйлаб мавсум олди турнеси якунида тўхталиб ўтди.

«Халқаро даражага чиқиш ва оммалашиш — бу фақат бир клубнинг кучи билан амалга ошириладиган иш эмас. Бу Бундеслига сифатида ҳаммамиз биргаликда ишлашимиз керак бўлган вазифа ва лиганинг ўзи бу борада анча фаолроқ роль ўйнаши лозим. «Бавария» бу юкни ёлғиз ўзи кўтаришини кутиш тўғри эмас. Бизга бутун Бундеслига томонидан анча жиддийроқ қўллаб-қувватлов керак — фақат бир-иккита клуб эмас, балки бутун лига биргаликда ҳаракат қилиши зарур», — деди Хайнер.

Маълумот учун, ушбу ёзда «Бавария»дан ташқари фақатгина «Лейпциг» (ЖАР) ва Дортмунднинг «Боруссия» (Япония) клублари хорижга турне уюштирди.