«Барселона»нинг собиқ футболчиси Серхи Роберто фаолиятини МЛСда давом эттиради.
Испаниялик тажрибали яримҳимоячи «Лос-Анджелес Гэлакси» клубига ўтишга жуда яқин турибди. Бу ҳақда таниқли инсайдер Фабрицио Романо хабар бермоқда.
Манбанинг таъкидлашича, томонлар ўртасида оғзаки келишувга эришиб бўлинган. 34 ёшли футболчи Америка клубининг таклифини қабул қилган ва эндиликда трансферни расман якунлаш учун қолган расмиятчиликларни ҳал қилиш лозим. Ҳозирча шартнома тафсилотлари ва молиявий шартлари ошкор қилинмаяпти.
Серхи Робертонинг сўнгги клуби Италиянинг «Комо» жамоаси бўлиб, у жорий йилнинг июнь ойида клубни тарк этган эди. Футболчи, шунингдек, фаолиятининг асосий қисмини Каталониянинг «Барселона» клубида ўтказган.
