«Манчестер Юнайтед» томонидан жиддий қизиқиш бўлишига қарамай, «Ньюкасл» ёзги трансфер ойнасида ҳимоячи Льюис Холлни сотиш ниятида эмас.

Sky Sports хабарига кўра, манкунианликлар тахминан икки ҳафта олдин 21 ёшли англиялик футболчининг ўтиш имкониятини билиш учун «қарғалар»га мурожаат қилишган, аммо рад жавобини олишган. «Ньюкасл» Холл сотилмаслигини маълум қилган.

Холл 2024 йилдан бери «Ньюкасл» шарафини ҳимоя қилиб келмоқда. Ўтган мавсумда футболчи «қарғалар» таркибида барча турнирларда 47 та ўйин ўтказиб, 1 та гол урди ва жамоадошларига 2 та голли узатма оширди. Унинг бозор қиймати Transfermarkt маълумотларига кўра 40 миллион еврога баҳоланмоқда.