«Реал»нинг собиқ ҳужумчиси Хавьер Эрнандес «Ал-Ҳилол» форварди Карим Бензема классик марказий ҳужумчилардан нимаси билан фарқ қилишини айтиб берди.

«Мен у билан кўпроқ вақт бирга ўйнашни хоҳлаган бўлардим. У «Реал»нинг марказий ҳужумчиси бўла олишини исботлади, кўплаб голлар урди ва «Олтин тўп»ни қўлга киритди.

Лекин мен барибир уни оддий тўққизлик деб атай олмайман. Бу ҳурматсизлик эмас, аксинча. Мен учун у ҳамиша Зиданга хос руҳга ва ҳужумчи фикрлашига эга бўлган «ўнлик» бўлиб келган — мен Каримни «тўққиз ярим» деб атаган бўлардим. Унинг ўйинини томоша қилиш жуда ёқимли эди.

Роналду ва Бэйл бир-бирига ўхшаш эди: улар жуда самарали, кескин ва чақмоқдек тез ҳаракат қилишарди — икки сония ичида сени йўқ қилиб ташлашлари мумкин эди.

Карим билан эса ҳаммаси бошқача эди. Ҳатто машғулотларда ҳам у нозик узатмалар беришини, ҳаракатланишини ва ўйин ритмини ҳис қилишини кузатиш завқ бағишларди. Бу борада мен уни Зидан билан солиштираман», — деди Чичарито Рио Фердинанд билан суҳбатда.