Лондоннинг «Арсенал» клуби «Пари Сен-Жермен» вингери Брэдли Баркола учун курашга қўшилди.

23 ёшли футболчи учун курашда «Ливерпуль» фаворит бўлиб турибди ва улар франциялик футболчи билан шартнома шартлари бўйича музокараларни бошлаб юборишган. Шунга қарамай, The Sun нашрига таяниб The Touchline хабар беришича, «канонирлар» ўйинчи учун курашда мерсисайдликларга рақобат туғдиришга тайёр.

Transfermarkt портали баҳосига кўра, Брэдли Барколанинг қиймати 90 миллион еврони ташкил этади. Миш-мишларга ишонадиган бўлсак, «ПСЖ» бундан анча кўп — 150 миллион евро атрофида сўрамоқда. Бундай талабни потенциал харидорлардан бирортаси қондира олиши даргумон.