«Барселона» ярим ҳимоячиси Томми Маркес жорий трансфер ойнасида жамоани тарк этмоқчи.
19 ёшли футболчи ўзи тарбияланган клубда доимий ўйин амалиётига эга бўлиши қийинлигини тушуниб етган ва шу сабабли ўзгариш қилишга қарор қилди. Mundo Deportivo нашри берган маълумотга кўра, «кўк-анорранглилар» ярим ҳимоячини сотишга тайёр, бироқ битимга қайта сотиб олиш бўйича биринчи навбатдаги ҳуқуқни киритишади.
Томми Маркесга «Манчестер Сити», Дортмунднинг «Боруссия»си ва «Брага» клублари томонидан қизиқиш билдирилган. Истиқболли испаниялик футболчининг Transfermarkt порталидаги баҳоси 3 миллион еврони ташкил этади, унинг амалдаги шартномаси эса 2028 йилнинг ўрталарида якунига етади.
