«Локомотив» ҳужумкор ярим ҳимоячиси Алексей Батраковнинг келажаги ҳануз сўроқ остида қолмоқда.
Олдинроқ хориж ОАВларида Туркиянинг «Галатасарай» клуби Батраков бўйича «Локомотив»га 25 миллион евро миқдоридаги яхшиланган таклиф юборгани ҳақида хабарлар тарқалган эди.
Аммо инсайдер Иван Карповнинг хабар беришича, «темирйўлчилар»да ҳалигача Батраков бўйича расмий таклифлар мавжуд эмас, гарчи «Галатасарай»га трансфер истисно этилмаган бўлса-да. Манбага кўра, Россия темир йўллари (РЖД) вакиллари ярим ҳимоячини 20-25 миллион еврога сотишни хоҳлашмоқда, бироқ «Локомотив» бош директори Борис Ротенберг футболчини 30 миллион евродан камига қўйвориш ниятида эмас.
Олдинроқ Батраковнинг агенти «Галатасарай»да 21 ёшли футболчини сотиб олиш истаги борлигини тасдиқлаган эди.
