Англия терма жамоасининг собиқ ҳужумчиси Майкл Оуэн «Арсенал»ни «Манчестер Юнайтед» форварди Маркус Рэшфорд билан шартнома тузишга чақирди. Унинг сўзларига кўра, Винисиус Жуниорни сотиб ололмаганидан сўнг, 40 миллион фунтлик ушбу трансфер «канонирлар» учун мантиқий қадам бўлади.

«Винисиуснинг «Арсенал»га ўтишига ишонмагандим, аммо Рэшфорд варианти мантиққа эга. У Артетанинг режаларига яхши мос тушади ва таркибнинг қолган аъзолари билан ажойиб ҳамкорлик қила олади. Мен бу трансфер амалга ошишини тасаввур қила оламан», деди Оуэн.

Рэшфорд муваффақиятли мавсум ўтказган (14 та гол ва 11 та узатма) «Барселона»даги ижарадан сўнг «Манчестер Юнайтед»га қайтди. Каталонияликлар Энтони Гордонни афзал кўриб, уни сотиб олиш ҳуқуқидан фойдаланишмади.