Португалия терма жамоасининг 27 ёшли футболчиси ушбу ёзда жамоасини ўзгартириш истагини ошкора маълум қилган эди. Охирги вақтларда «Галатасарай» ҳужумчига жиддий қизиқиш билдираётганди.

Бироқ Sportitalia журналисти Жанлуижи Лонгарининг хабар беришича, «россонери» сўралаётган 60 миллион евро миқдоридаги суммани камайтирмоқчи эмас. Ушбу ҳолат турклар билан музокараларни мураккаблаштириб, жараённинг боши берк кўчага кириб қолишига олиб келди.

Ҳозирги вақтда Леау «Милан»да қолишга мойил бўлиб турибди, аммо 2028 йилнинг ёзигача мўлжалланган амалдаги шартномани узайтирмаслик шарти билан.

2025/26 йилги мавсумда Рафаэл А Серияда 29 та ўйинда майдонга тушиб, 9 та гол урди, 3 та голли узатма берди ва 5 та сариқ карточка олди. ЧМ-2026да эса Леау 5 та ўйинда 1 та гол ва 1 та голли узатмани ўз ҳисобига ёздириб қўйган.