«Арсенал» «Ювентус» ярим ҳимоячиси Кенан Йилдизга қизиқиш билдирмоқда, деб хабар беради Goal.com La Stampa нашрига таяниб.

Манбанинг маълумотларига кўра, Винисиус Жуниор варианти йўққа чиққач, туркиялик футболчи Лондон клубининг устувор нишонлари қаторидан ўрин олди. Бразилиялик вингер «Реал» билан шартномасини узайтирди, шу сабабли «Арсенал» энди ҳужум чизиғига бошқа мақомдаги юқори даражали футболчи қидирмоқда.

Асосий номзодлардан бири сўнгги мавсумларда сезиларли даражада ўсишга эришиб, «Ювентус»нинг асосий фигураларидан бирига айланган 21 ёшли Йилдиз бўлди.

Шу билан бирга, Турин клуби футболчини оддий шартлар эвазига сотиб юбормоқчи эмас. «Ювентус» лоақал музокараларни бошлаши учун ҳам «Арсенал» 100 миллион евродан анча юқори бўлган таклиф билан чиқиши талаб этилади.