«Ювентус» ва «Интер» Австралияда ўтказилган ўртоқлик учрашувида майдонга тушди. Қизиқарли кечган баҳсда «Интер» 2:1 ҳисобида ғалаба қозонди.

Учрашувда ҳисоб 20-дақиқада очилди. Федерико Димарко ҳимоячи қаршилигига қарамай, жарима майдони ташқарисидан зарба берди ва тўп узоқ бурчакдан жой олди.

64-дақиқада «Интер» иккинчи голини урди. Анди Диуф дарвозабон билан бирга-бир вазиятда тўпни дарвоза томон йўллади. Тўп устунга тегиб, рикошет орқали тўрга кирди.

Учрашув якунига 5 дақиқа қолганида «Ювентус» ҳисобни қисқартирди. «Интер» ҳимоясидаги хатодан сўнг Франсишку Консейсау дарвозабон билан бирга-бир чиқиб, тўпни «тўққизлик»ка жойлади.

Шу тариқа, «Интер» ўртоқлик учрашувида «Ювентус» устидан 2:1 ҳисобида ғалаба қозонди.