Туриннинг «Ювентус» клуби собиқ ҳимоячиси Марк Юлиано ҳозирда Лучано Спаллетти бошчилик қилаётган клуб борасида оптимизм билдирди. У мутахассисга ва умуман олганда Турин клуби раҳбариятига тўлиқ ишонч билдирмоқда.

«Менда жуда яхши таассуротлар бор, яқинда кичик фуршет вақтида «Ювентус» раҳбарияти билан кўришдим. Карневали, Массара, Оттолини ва, албатта, Спаллетти менга жуда маъқул келди. Ушбу раҳбарият менда хотиржамлик ва «Ювентус»га бўлган ишонч туйғусини уйғотмоқда», — дейди Юлиано derbyderbyderby.it нашрига.

Ўтган мавсумда «Юве» Серия Анинг якуний турнир жадвалида фақат олтинчи ўринни эгаллаган эди.