Собиқ италиялик тўпурар Филиппо Индзаги асрлар туташувида Туриннинг «Ювентус» ва кейинчалик «Милан» клубларида ўйнаб, дунёнинг энг яхши ҳужумчиларидан бири деб тан олинган давридаги учта энг яхши голини ёдга олди.
«Албатта, бу 2007 йилда Афинада ўтган Чемпионлар Лигаси финалидаги иккита голим. Ўша умуман ажойиб йил бўлганди, учта турли финалда бешта гол урганман. Жаҳон чемпионатида Чехия терма жамоаси дарвозасига киритган голим ва, эҳтимол, сўнгги ўйиннинг энг охирги дақиқасида «Новара»га урган сўнгги голим», — дейди Индзаги pianetamilan.it нашрига.
Эслатиб ўтамиз, Филиппо ўзининг ўйинчилик фаолиятини 2012 йилда якунлаган эди.
