Аргентина терма жамоаси ярим ҳимоячиси, 2022 йилги Жаҳон чемпиони Тьяго Альмада Мадриднинг «Атлетико» клубидан «Ривер Плейт»га кўчиб ўтди. Бу ҳақда Аргентина клуби матбуот хизмати хабар бермоқда. Шартнома уч ярим йилга мўлжалланган.

Аввалроқ ОАВда Аргентина клуби Альмада учун 20 миллион евро тўлаши ва бу Аргентина чемпионати тарихидаги энг қиммат харидга айланиши ҳақида хабар берилганди. Шу билан бирга, «Атлетико» 2027 йилнинг декабрига қадар фикридан қайтадиган бўлса, футболчини 40 миллион еврога қайта сотиб олиш ҳуқуқини ўзида сақлаб қолади.

Альмада 2025 йилнинг ёзидан бери «Атлетико» сафида тўп суриб келаётган эди. Ўтган мавсумда у барча турнирларда 40 та ўйинда майдонга тушиб, 4 та гол урди ва 2 та голли узатмага муаллифлик қилди. Transfermarkt интернет-портали маълумотларига кўра, футболчининг тахминий трансфер қиймати — 20 миллион евро.