«Тоттенхэм» ярим ҳимоячиси Конор Галлахер «Бешикташ»нинг қизиқишлари доирасида бўлиб турибди.

Sözcü хабарига кўра, Туркия жамоаси «шпорлар»га 26 ёшли англиялик футболчини ижарага олиш бўйича таклиф билан чиққан. Ҳозирда «Бешикташ» футболчининг ўзи билан ҳам вақтинчалик ўтиш борасида келишиб олишга ҳаракат қилмоқда.

«Тоттенхэм» Галлахерни шу йилнинг бошида «Атлетико»дан харид қилган эди. Ўшандан бери ярим ҳимоячи барча турнирларда 18 та ўйинда майдонга тушиб, 1 та гол урди ва 1 та голли узатмага муаллифлик қилди.

Галлахернинг Лондон клуби билан тузган меҳнат шартномаси 2031 йилнинг ёзига қадар мўлжалланган.