«Tottenxem» yarim himoyachisi Konor Gallaxer «Beshiktash»ning qiziqishlari doirasida bo‘lib turibdi.

Sözcü xabariga ko‘ra, Turkiya jamoasi «shporlar»ga 26 yoshli angliyalik futbolchini ijaraga olish bo‘yicha taklif bilan chiqqan. Hozirda «Beshiktash» futbolchining o‘zi bilan ham vaqtinchalik o‘tish borasida kelishib olishga harakat qilmoqda.

«Tottenxem» Gallaxerni shu yilning boshida «Atletiko»dan xarid qilgan edi. O‘shandan beri yarim himoyachi barcha turnirlarda 18 ta o‘yinda maydonga tushib, 1 ta gol urdi va 1 ta golli uzatmaga mualliflik qildi.

Gallaxerning London klubi bilan tuzgan mehnat shartnomasi 2031 yilning yoziga qadar mo‘ljallangan.