«Ливерпуль»нинг аргентиналик ярим ҳимоячиси Алексис Макаллистер фаолиятини «Манчестер Сити»да давом эттириши мумкин. Бу ҳақда журналист Мэтт Тилен хабар бермоқда.

Манба маълумотларига кўра, «шаҳарликлар» эҳтимолий трансферни муҳокама қилиш учун Макаллистернинг вакиллари билан боғланишган. Таъкидланишича, Англия гранди ушбу ёзда Родри Эрнандес кетган тақдирда 27 ёшли хавбекни сотиб олишга ҳаракат қилиб кўриши мумкин.

Ўтган мавсумда Макаллистер барча турнирларни ҳисобга олган ҳолда 55 та ўйинда майдонга тушиб, 5 та гол урган ва 7 та голли узатмага муаллифлик қилган.

Ярим ҳимоячининг «Ливерпуль» билан амалдаги меҳнат шартномаси 2028 йилгача мўлжалланган.