«Liverpul»ning argentinalik yarim himoyachisi Aleksis Makallister faoliyatini «Manchester Siti»da davom ettirishi mumkin. Bu haqda jurnalist Mett Tilen xabar bermoqda.

Manba ma’lumotlariga ko‘ra, «shaharliklar» ehtimoliy transferni muhokama qilish uchun Makallisterning vakillari bilan bog‘lanishgan. Ta’kidlanishicha, Angliya grandi ushbu yozda Rodri Ernandes ketgan taqdirda 27 yoshli xavbekni sotib olishga harakat qilib ko‘rishi mumkin.

O‘tgan mavsumda Makallister barcha turnirlarni hisobga olgan holda 55 ta o‘yinda maydonga tushib, 5 ta gol urgan va 7 ta golli uzatmaga mualliflik qilgan.

Yarim himoyachining «Liverpul» bilan amaldagi mehnat shartnomasi 2028 yilgacha mo‘ljallangan.