Винисиус Жуниор Мадриднинг «Реал» клубида янги бош мураббий Жозе Моуриньо қўл остидаги илк учрашувини ўтказди.

Бразилиялик футболчи Венгриянинг «Ференцварош» клубига қарши ўтказилган ўртоқлик учрашувида танаффусдан сўнг захирадан майдонга тушди ва ўйин охирига қадар ҳаракат қилди. Баҳсда мадридликлар 2:1 ҳисобида ғалаба қозонди.

«Вини жуда кам машғулот ўтказди. Бугун у тўпни олиб, 50 метр югуриб, гол уришини кутмаган эдим. У ҳали ҳам чарчаган кўринишда. Чоршанба куни у албатта оптимал ҳолатига яқинроқ бўлади, якшанба куни Гельзенкирхенда эса янада яхши ҳолатга келади», — дея Моуриньонинг сўзларини Madrid Zone келтирди.

Эслатиб ўтамиз, Винисиус яқинда «Реал» билан 2032 йилгача мўлжалланган янги шартнома имзолаган.

«Қироллик клуби» 12 ва 16 август кунлари мавсумолди тайёргарлиги доирасида мос равишда «Депортиво» ҳамда «Шальке 04»га қарши ўртоқлик учрашувларини ўтказади.