Vinisius Junior Madridning «Real» klubida yangi bosh murabbiy Joze Mourinyo qo‘l ostidagi ilk uchrashuvini o‘tkazdi.

Braziliyalik futbolchi Vengriyaning «Ferensvarosh» klubiga qarshi o‘tkazilgan o‘rtoqlik uchrashuvida tanaffusdan so‘ng zaxiradan maydonga tushdi va o‘yin oxiriga qadar harakat qildi. Bahsda madridliklar 2:1 hisobida g‘alaba qozondi.

«Vini juda kam mashg‘ulot o‘tkazdi. Bugun u to‘pni olib, 50 metr yugurib, gol urishini kutmagan edim. U hali ham charchagan ko‘rinishda. Chorshanba kuni u albatta optimal holatiga yaqinroq bo‘ladi, yakshanba kuni Gelzenkirxenda esa yanada yaxshi holatga keladi», — deya Mourinyoning so‘zlarini Madrid Zone keltirdi.

Eslatib o‘tamiz, Vinisius yaqinda «Real» bilan 2032 yilgacha mo‘ljallangan yangi shartnoma imzolagan.

«Qirollik klubi» 12 va 16 avgust kunlari mavsumoldi tayyorgarligi doirasida mos ravishda «Deportivo» hamda «Shalke 04»ga qarshi o‘rtoqlik uchrashuvlarini o‘tkazadi.