«Барселона» ҳимоячиси Рональд Араухо «Ливерпуль»га трансферини якунлаш учун Англияга учиб борди.
Аввалроқ «Ливерпуль» уругвайлик футболчини ижарага олиши, шартномада эса уни кейинчалик 55 миллион еврога сотиб олиш банди бўлиши маълум қилинганди.
Араухонинг рафиқаси Абигейл Оливера ижтимоий тармоқларда самолёт бортида эри ва қизининг суратини жойлаштириб, «Қаерда бўлишимиздан қатъи назар, биз биргамиз. Янги бошланиш ҳар доим Унинг [Парвардигорнинг] қўлида», деб ёзди.
Таниқли инсайдер Фабрицио Романо ҳам Араухонинг Ливерпуль шаҳрига йўл олганини тасдиқлади. Журналист Жеймс Пирс эса кейинроқ футболчи манзилига етиб боргани ва «қизиллар» учун тиббий кўрикдан ўтишга йўл олганини хабар қилди.
