24 ёшли ярим ҳимоячи Даниэль Мальдини «Аталанта»дан «Кальяри»га ижара асосида ўтди. Келишувда футболчини кейинчалик сотиб олиш имконияти кўзда тутилган бўлиб, айрим шартлар бажарилган тақдирда ушбу банд мажбурийга айланади.
Аввалроқ битимнинг умумий қиймати 9 миллион еврогача етиши мумкинлиги хабар қилинганди.
«Кальяри» Даниэль Мальдини фаолиятидаги еттинчи клуб бўлади. Паоло Мальдинининг ўғли фаолияти давомида аввал «Милан», «Специя», «Эмполи», «Монца» ва «Лацио» клублари шарафини ҳимоя қилган.
