«ПСЖ»нинг франциялик вингери Брэдли Баркола «Ливерпуль»га ўтишга яна бир қадам яқинлашди.

Нуфузли инсайдер Фабрицио Романо хабарига кўра, «Ливерпуль» футболчининг ўзи билан шахсий шартнома шартларини келишиб олган. Аммо мерсисайдликлар трансфер суммаси бўйича «ПСЖ» билан музокараларни давом эттиришмоқда. 23 ёшли ўйинчининг трансфери «Ливерпуль»га 100 миллион евродан кўпроққа тушиши кутилмоқда.

2025/26 йилги мавсумда Баркола барча турнирларни ҳисобга олган ҳолда 49 та ўйинда майдонга тушиб, 13 та гол урди ва 7 та голли узатмага муаллифлик қилди.

Transfermarkt портали мутахассислари франциялик футболчини 90 миллион еврога баҳоламоқда.