«Саутгемптон» «Манчестер Сити» ҳужумчиси Дивин Мубамани ижарага олиш борасида оғзаки келишувга эришди. «Авлиёлар» энди футболчининг келажаги бўйича ички муҳокамаларни давом эттираётган «шаҳарликлар»нинг якуний розилигини кутишлари керак бўлади.

21 ёшли Мубама «Манчестер Сити»нинг асосий жамоаси сафида 2 та ўйинда майдонга тушиб, 1 та гол уришга эришган.

Ўтган мавсумда форвард ижара асосида «Сток Сити»да ҳаракат қилиб, жами 28 та ўйинда 5 та гол урди ва 1 та голли узатмага муаллифлик қилди.

«Саутгемптон» ўтган мавсумда АПЛга чиқиш учун плей-офф финалига қадар етиб борган, аммо ярим финалнинг дастлабки ўйини олдидан «Мидлсбро»га қарши ноқонуний кузатув олиб боргани сабабли мусобақадан четлатилган эди.

«Авлиёлар» Чемпионшипнинг янги мавсумини 16 август куни «Уотфорд»га қарши ўйин билан бошлашади.