Ҳимоячи Рональд Араухо 2026/2027 йилги мавсум учун ижара асосида «Барселона»дан «Ливерпуль»га ўтди.
«Биз Рональд Араухони 2026/2027 йилги мавсум учун «Барселона»дан ижарага олиш бўйича келишувга эришдик. Бу келишув ишлаш учун рухсатнома муваффақиятли олиниши ва халқаро келишув жараёнидан ўтилиши шарти билан амалга ошади», — дейилади «Ливерпуль» матбуот хизмати томонидан клубнинг ижтимоий тармоқдаги X саҳифасида берилган хабарда.
Араухо «Барселона»нинг биринчи сардори ҳисобланади ва 2018 йилдан буён клуб тизимида фаолият юритиб келмоқда. Ҳимоячи каталонияликларнинг асосий жамоаси сафида мамлакат ички мусобақаларида саккизта совринни қўлга киритган.
Ўтган мавсумда уругвайлик ҳимоячи «Барселона» сафида барча турнирларда 38 та учрашув ўтказиб, 4 та гол урган.
